Mögnuð tilviljun

Hvernig ætli standi á því að þegar heimsmarkaðsverð á olíu HÆKKAR...þá eiga litlu, sætu olíufélögin engar birgðir og þurfa að kaupa á þessu HÁA verði...en þegar verðið LÆKKAR...þá eru þau alltaf með fulla tanka út um allt land og geta ekki LÆKKAÐ verðið fyrr en heimsmarkaðsverðið hefur HÆKKAÐ aftur????

Hvernig stafar maður SPILLING? 

Verð á olíu niður fyrir 124 dali

Athugasemdir

[Gunnar Ágúst Ásgeirsson, 4.6.2008 kl. 17:55]

Sá dómur var náttúrulega ekki neitt neitt. Og enginn var ábyrgur!! Það virðist líka vera alveg séríslenskt fyrirbæri að enginn þurfi að axla ábyrgð á neinu í pólítík og viðskiptum.

[Bragi Þór Valsson (IP-tala skráð) 5.6.2008 kl. 12:37]

Hættið bara að versla við þá! Þið þurfið ekkert að vera á bensínbílum frekar en þið viljið.

[Gunnar Ágúst Ásgeirsson, 5.6.2008 kl. 15:19]

Og hvernig bíll myndi henta manni eins og mér? Rafmagns og Metanbílar eru allt of dýrir fyrir svona ómenntaðan apakött eins og mig. Enda kaupir maður metanið af sömu aðilum og maður kaupir bensínið af. Ekki satt? Ég á 3 börn þannig að reiðhjól kemur ekki til greina. Nú vil ég fá einhverjar hugdettur Bragi...hvernig bíll hentar mér?

[Bragi Þór Valsson (IP-tala skráð) 5.6.2008 kl. 16:15]

Af augljósum ástæðum mæli ég allra helst með rafmagnsbílum, enda sparnaðurinn gífurlegur á ársgrundvelli. 

Að sjálfsögðu eru til "sparneytnir" bensínbílar, en þar sem fyrirtæki mitt er í beinni samkeppni við þá seljendur geri ég ráð fyrir að þið skiljið að ég ætla ekki að fara í ókeypis markaðsvinnu fyrir þá aðila. Einu sinni keypti ég notaðan 2ja ára fyrrverandi bílaleigubíl. Kom hreint ágætlega út fyrir mig.

Gunnar - augljóslega kostar rafmagnsbíll það sama og t.d. Toyota Yaris, sem náttúrulega er allt of hátt verð fyrir marga (þó ekki séu margir nýir bílar á markaðnum sem eru ódýrari). Hinsvegar er alltaf spurning hvernig maður forgangsraðar og horfir á hvort eitthvað sé "dýrt fyrir ómenntaða apaketti" miðað við hvað maður sparar gífurlegar upphæðir á hverju ári.  Ákveðin fjárútlát í byrjun en svo ekkert meir.  Ef þú hættir alveg að nota bensín og tækir bílalán fyrir rafmagnsbíl... þá myndi "bensínpeningurinn" fara hátt upp í mánaðargreiðslurnar fyrir bílinn.

 Varðandi ómenntuðu apakettina - síðast þegar ég tékkaði var dobía af "ómenntuðu" fólki með miklu hærri laun en ég sem er með stafla af gráðum en fæ hvergi starf miðað við mína menntun. Það er allt svo afstætt, drengir.

[Gunnar Ágúst Ásgeirsson, 5.6.2008 kl. 18:07]

En það er alltaf spurningin um þetta að hafa efni á einhverju. Nú á ég bíl, sem virðist elska bensín, og þambar það af mikili græðgi. En þetta var ódýrasti bíllinn, miðað við árgerð, sem ég fann þegar ég vippaði mér í bílaviðskipti í haust. Þar áður hafði ég ekki átt bíl í nokkur ár. Ég á bíl af illri nauðsyn en voða margir eiga þá "af því bara". Ef ég ætti eitthvað fjárhagslegt svigrúm þá myndi ég fara eftir þínum leiðbeiningum...en þangað til...verð ég víst að versla við þessa glæpamenn...