Þessi frændi?

Finnst engum öðrum að frændinn í fréttinni líti bara nokkuð vel út þrátt fyrir að hafa verið barinn til "bana"?

Sennilega eitt alhressasta lík sem ég hef séð í viðtali...og hugsanlega það fyrsta 

Dauði unglingsstúlku rannsakaður í Guizhou

Snillingar!

Nei um að gera að gefast ekki upp á ruglinu í sér. Gerum okkur endalaust að fíflum fyrir smá fix.

Eða eins og Napoleon Dynamite myndi segja..."IDIOTS" 

Tekinn í tvígang af lögreglu

Enda kominn tími til...

Já þetta er sennilega síðasti séns fyrir Rafa að vinna Deildina. Ég get ekki séð að hann fái mörg tímabil í viðbót til þess að hirða dolluna. Hann er búinn að eyða óhemju fjármunum í misgóða leikmenn og í raun töluvert meiru en hin stóru liðin. Árangurinn? Jú..Meistaradeildin og F.A bikarinn. Ekki nógu gott fyrir mig...

Ég, eins og aðrir Liverpool aðdáendur, erum orðinn ansi óþolinmóður að bíða eftir þessum blessaða titli. Nú verður bara allt að ganga upp þannig að við getum gengið með höfuðið hátt gagnvart ManYoo, Arsenal og Chelsea aðdáendum.

YNWA 

Benítez einblínir á Englandsmeistaratitilinn

Pant ekki losa ruslatunnuna á toppnum

Eru samt sjerparnir ekki alveg eldsnöggir að klifra upp þennan hól og drösla ruslinu niður? Ég treysti mér bara ekki í þetta...

Umhverfisátak í kringum Everest

Látum þá ganga plankann

Ég sá Johnny Depp og félaga alveg fyrir mér við Reykjaneshrygginn....leiðinlegt

Engin sjóræningjaskip á Reykjaneshrygg

Sagði einhver Lúkas??

Ég held að fólk ætti nú að róa sig aðeins...eru allir búnir að gleyma Lúkasi eða? "Eigandi hundsins er fundinn" þýðir ekki "hundaníðingurinn er fundinn". Sumir þyrftu alvarlega að telja upp að 10 áður en þeir setjast á bloggrassinn sinn og öskra og æpa um eitthvað sem þeir hafa ekki (ekki kaldhæðni) hundsvit á.

Róum okkur og öndum djúpt... 

Eigandi hvolpsins fundinn

Frábært!

Alveg eru stelpurnar okkar að standa sig frábærlega þessa dagana. Við eigum þó eitt landslið, í einni íþrótt, í fremstu röð.

Svo er annað sem mig langar að nefna (þó ég verði örugglega útmálaður karlremba og almennur viðbjóður) en það er að þessar stelpur sem eru að spila í landsliðinu eru bara upp til hópa gullfallegar. Og öldin er sko aldeilis önnur en fyrir 10-15 árum hvað það varðar. Ég vona innilega að þessar stelpur gefi út dagatal eins og mörg önnur kvennalandslið hafa gert.

Það myndi aldeilis gleðja mitt litla karlrembu,klámvæðingarhjarta... 

Margrét Lára með þrennu og 40. markið

Sumarfrí

Ég skellti mér aðeins af bæ um helgina. Fór um hádegi á föstudag með Daníel til Reykjavíkur að sækja eldri bræður hans. Hitti þá í Húsasmiðjunni í Skútuvogi og var greinilegt að mikill spenningur var í þeim eldri fyrir ferðinni. Keyrðum aftur út í Mosó og tókum Þingvallaleiðina. Stoppuðum á Þingvöllum til að teygja úr okkur og pissa og fá Svala. Svo var haldið á heiðina (sem ég get ómögulega munað hvað heitir í augnablikinu). Þegar þangað var komið fór að bera á bílveiki og það endaði með því að Daníel ældi sig, og barnastólinn, allan út. En sem betur fer var ég snöggur að stoppa bílinn og hljóp og náði að rífa drenginn út þannig að restin að spýjunni endaði úti í móa. Tóku við mikil þrif á barni og bílstól sem heppnuðust bara ágætlega. Restin af heiðinni var auðveldari í för og vorum við komin á Laugarvatn um 4 leytið. Þar var aftur stoppað og fjárfest í meiri Svala fyrir börnin og smá narti að auki. Svo tók við dauðaleit að bústaðnum. Ég fann loksins afleggjarann og eftir að hafa keyrt heila eilífð á þvottabrettismalarvegi þá komum við loksins í sumarhúsahverfið. Fundum bústaðinn og tæmdum bílana í einum grænum hvelli. En allir voru orðnir frekar svangir eftir ferðalagið og því tók Aðalheiður sig til og eldaði hakk og pasta ofan í hópinn. Darri og Matthías voru nú ekki mikið á móti því. Svo þegar börnin voru sofnuð skriðum við Aðalheiður í heita pottinn og vorum þar langt fram á nótt.

Dagurinn var tekinn snemma á laugardag og eftir að búið var að moka morgunmat í barnahópinn og skella þeim í heita pottinn ákváðum við að kíkja í smá roadtrip að skoða Gullfoss og Geysi. Darri og Matthías voru rosalega spenntir fyrir hverunum og fengu meira að segja góða gusu á sig þegar Strokkur gaus í eitt skiptið. Eftir smá stopp í Geysissjoppunni var haldið að Gullfossi. Þar nutu yngri börnin sín töluvert og máttum við hafa okkur öll við að halda í við þau þar sem þau hlupu um göngustíga og móa. Þessir eldri voru orðnir ansi svangir eftir að hafa skoðað Gullfoss og því ákvað ég að reyna að kaupa eitthvað handa þeim í kaffiteríunni. Það eina sem þeir máttu borða var kjötsúpa...en þeir skófluðu henni svoleiðis í sig að það stórsá á skálunum eftir þá. Svo renndum við okkur heim og grilluðum lambalæri. Ég fékk mikið hrós fyrir grillmennskuna þrátt fyrir að hafa bara fylgt fyrimælum Aðalheiðar, sem er miklu betri grillari en ég. En allir fóru í háttinn saddir og sælir.

Á sunnudaginn leyfði ég Aðalheiði að sofa út og skóflaði skyri og Cheerios í krakkana og reyndi eftir fremsta megni að skríða upp í sjálfur þegar tækifæri gafst. Það tækifæri gafst ekki almennilega fyrr en að Daníel og Alex lögðu sig um hádegið. Þá náði maður að leggja sig líka með þeim. Svo elduðum við kjúkling í kvöldmatinn og enn einu sinni fóru allir saddir og sáttir í háttinn.

Mánudagurinn fór svo í tiltekt og þrif því við áttum að skila bústaðnum á hádegi og það hafðist léttilega með hjálp frá stóru strákunum mínum. Þeir tilnefndu sjálfa sig sem burðardýr og báru töskur og poka eins og óðir út í bílana. Við feðgarnir ákváðum svo að kíkja á ömmu og afa í þeirra bústað og renndum okkur þangað og fengum grillaðar kjúklingabringur og læt.

Svo á þriðjudaginn fórum við feðgarnir upp að Akraneshöll og skelltu strákarnir sér í Go-Kart og sýndu mikil tilþrif á bílunum. Svo kíktum við til ömmu og afa á Leynisbrautina og hittum Sveina, Guðrúnu og Baldur Frosta og skelltum við Sveinbjörn okkur í pottinn með drengina. Svo grillaði afi pulsur ofan í allt liðið og ég setti nýtt met í pulsuáti í mínum þyngdarflokki.

Og þá var þessu stutta, en yndislega, sumarfríi mínu lokið og ekkert annað að gera að að þakka fyrir mig og mína og vonandi líður ekki langt þar til ég get farið með drengina mína aftur í svona ferð.  

Ætli hann sé fyrstur til þess?

Ég held að Klúnní sé sennilega fyrstur til þess að hætta með kvenmanni þegar hún fær sér stærri brjóst. Nú er ég enginn sérstakur brjóstakall, og hef ekkert sérstakt preference á stærri eða minni brjóst. En flestir karlmenn virðast kjósa stór brjóst frekar en lítil þannig að þessi frétt slær mann svoldið.

Væri samt gaman að fá comment frá brjóstaköllum um hvernig brjóst þeir kjósa 

Hætti með Söru vegna brjóstastækkunar

Cruyff er alveg magnaður

Hvernig stendur á því að Johan Cruyff rakkar Hollenska liðið niður fyrir hvert einasta stórmót? Hann er svona almennt ósáttur við Holland, Barcelona og Ajax...bara af því að þau spila ekki eins og í gamla daga þegar hann var upp á sitt besta. Held að maðurinn ætti að bíða með þessar sleggjur sínar þar til eftir mótið. Af árangrinum skuluð þér dæma þá.

P.s Síðan hvenær varð Ryan Babel örvfættur?? Hann var réttfættur í allan vetur hjá Liverpool...ekkert smá prógramm sem hann hefur farið í svona rétt fyrir mót... 

Cruyff gagnrýnir Van Basten