Vildi enginn annar vinnuna??

Mér finnst það sýna mikið metnaðarleysi hjá Frökkum að ráða Domenech áfram. Hann hefur ekki náð neinum árangri með þetta lið og er örugglega ekki að fara að ná honum fljótlega.

Eru Frakkarnir að detta í einhvern KSÍ gír? Gefa allan metnað upp á bátinn til þess að eiga meiri pening í nýju skrifstofurnar sínar? 

Domenech áfram með Frakka

Athugasemdir

[Goggi Baldursson (IP-tala skráð) 3.7.2008 kl. 14:49]

Hann kom þeim nú í úrslit HM 2006, þar sem þeir töpuðu í vítaspyrnukeppni þannig að það er hreinlega ekki rétt að segja að hann hafi ekki náð neinum árangri með liðið

[Ágúst Ásgeirsson, 3.7.2008 kl. 15:59]

Tek undir með Gogga, það er ekki slæmt að koma liði í úrslit á HM. Lið hans skemmti allri þjóðinni hér í Frakklandi ómælanlega vikum saman. Og nú eru í hópnum hjá honum framtíðarstjörnur Frakka, menn sem þurfa aðeins meiri leykreynslu í landsliði.

Gleymið því ekki að hann var samningsbundinn fram á árið 2010. Það er ekkert verið að endurráða hann. Bara ákveðið að halda samstarfinu áfram þrátt fyrir mótlætið á EM. Hann er þó á hálfgerðum gálgafrest því verði gengið í úrtökukeppni fyrir næsta HM í samræmi við væntingar má búast við að hann þurfi að taka pokann fyrr en ella.

[Bragi, 3.7.2008 kl. 17:05]

Held að ungu stjörnunrnar eigi eftir að springa út bráðlega, eins og Benzema og Nasri.

Kynslóðaskipti í liðinu eins og er, og ekki bætti úr skák að besti knattspyrnumaður síðustu 20 ára hætti með liðinu eftir HM 2006.